Sigríður rasar út

Líf mitt...

2007-06-22T20:08:00.000+02:00

Nú hef ég legið í bloggdvala of lengi og hef ákveðið að hripa hérna niður nokkrar línur um líf mitt. Ég er sum sé snúin til baka á klakan og er búsett í Reykjavíkinni góðu og er að vinna á leikskóla, svona alla vega að nafninu til. Mest er ég þó að leika mér. T.d á morgun legg ég land undir fót og fer til Póllands á listahátið og svo fer ég að sjálfsögðu austur í júlí á Lunga. Þannig að ég er minnst að vinna og búa í Reykjavík. Ég er syngjandi kát og allt í lukkunnar velstandi. Þetta var það helsta í örfáum orðum
Leikskólasaga:
"Hvað heita afkvæmi geita?" spyr leikskólakennarinn og barnið svarar að sjálfsögðu um hæl, "Geitungar". Þau eru svo gáfuð og skemmtileg þessar elskur og lógísk. Það er fullorðna fólkið sem er súrríalískt.

Guðný

2007-05-01T16:31:00.000+02:00

Þar sem að mér finnst ég ekki hafa frá neinu að segja þá hef ég ákveðið að kvóta í Guðnýju eða Cloony eins og ég kýs að kalla hana, hún er skemmtileg.

"Long Island Icete. Ógeðslega gott. Ef maður segist vera sykursjúkur"
-Cloony-

Sams Bar

2007-04-04T04:36:00.000+02:00

Það jafnast ekkert á við góða stund á Sams bar þriðjudagskvöldi með Þremenningasambandinu. Ég elska Maísól og Kakó.

Gilli, gilli, gilli!

2007-03-28T17:59:00.000+02:00

Nú hef ég búið á Æbelögade í næstum 3 mánuði og er það með eindæmum huggulegt. En á þessum 3 mánuðum hef ég uppgötvað að fólkið í húsinu mínu er ákaflega umburðalynt. Á hæðinni fyrir neðan okkur býr neflilega ungur drengur sem heitir Stígur, hann er mikil félagsvera og hefur því mikla þörf fyrir að halda gilli (teiti, partý, veisla, fest...). Hann lætur sér ekki næga að halda gilli öðru hverju eins og við hin, heldur heldur hann að minnsta kosti tvö gilli í hverri viku. Gillin byrja venjulega svona um 2100 leitið og standa til 0200 og svo byrjar eftirgillið svona um 0500 leitið og stendur yfirleitt fram að kvöldmat og svo endurtekur sagan sig. Þetta er alveg í himnalagi fyrir okkur og það virðist gilda um restina af nágrönnunum líka. Þetta skildum við ekki alveg því það eru jú ekki allir jafn ferskir og við Maísól, en um helgina komumst við að því hvaða taktík hann beitir til að halda öllum góðum.

Það var neflilega þannig að þegar ég og Maísól komum heim á föstudagskvöldið þá var að sjálfsögðu partý hjá Stíg og við ákváðum í einhverju sprelli að dingla hjá honum. Það tók hann ekki langan tíma eftir að við höfðum kynnt okkur sem nágranna hans að bjóða okkur inn og gefa okkur dryk, því að hann hélt sjáfsögðu að við værum komnar til að kvarta. Hann var svo gestrisin og málgefin að þó svo að við hefðum ætlað okkur að kvarta hefðum við alls ekki fengið tækifæri til þess vegna allra almennileg heitanna. Samstundis skildi ég af hverju öllum finnst þetta partýhald sjálfsagt.

Æi það eru allir eitthvað svo ligeglad hérna...

Túdú

2007-03-02T20:03:00.000+01:00

Túdú listi morgundagsins:

1. Vakna klukkan sex og massa fyrsta daginn í vinnunni - það er gott þá fæ ég péning
2. Leika í tónlistarmyndbandi fyrir sænska rokkhljómsveit- það er fyndið
3. Skólapartý hérna á Æbelögade - það verður fabulous og útbíað gaman

Þetta helst

2007-02-27T17:46:00.000+01:00

Það er allt búið að vera að gerast í Kóngsins upp á síðkastið. Mamma mín er búin að vera í heimsókn síðan á fimmtudag en var að fara í dag, það er rosa gott að fá mömmu sína í heimsókn ég þori alveg að mæla með því við hvern sem er og ef þið viljið ekki fá ykkar eigin mömmu er ég viss um að mín er tilbúin að hlaupa í skarðið. Á föstdaginn var fyrsa sýningin okkar í skólanum og mæður okkar Maísólar voru báðar á staðnum og hlutu þær fyrir vikið "Mætingarverðlaun foreldra" þar sem þær komu alla leið frá Íslandi og reyndar líka af því að þær voru einu foreldrarnir, en það er auka atriði. Sýningin gekk rosa vel og allir sáttir.

Annars er það helst að frétta að ég er komin með vinnu við heimilshjálp hjá gömlu fólki og það er mjög jákvætt því það er gott og gefandi starf og svo er það svo vel borgað sem er nú ekki verra. En nú er ég farin á kóræfingu svo ég segi eins og hún Bóla gerði forðum: Hittumst heil!

Kátt í höllinni

2007-02-11T16:52:00.000+01:00

...og þá var kátt í höllinni, höllinni, höllinni og þá var kátt í höllinni, höllinni...
Það er vetrarfrí í Köben og það er hvorki meira né minna en heil vika. Þetta þýðir samt ekki að ég muni sitja aðgerðalaus því við erum með grímusýningu í skólanum 23. febrúar, þannig að við ætlum að æfa okkur í fríinu.
Í gær fór ég að sjá sýningu hjá skólasystur minni sem var mjög góð. Sýningin var uppi í sveit eða í Virum sem er lítill bær á Stór Kaupmannahafnarsvæðinu og það skemmtilegasta við þetta allt saman fyrir utan góða sýningu var að við fórum keyrandi á bíl, ekki í strætisvagni eða lest heldur venjulegum fólksbíl. Þetta telst sko aldeilis til tíðinda hér á Æbelögade get ég sagt ykkur því þetta hefur ekki gerst síðan ég flutti til Kaupmannahafnar.

Um síðustu helgi fór ég líka í leikhús uppi í sveit. Þá fór ég að sjá Hamlet í Gladsaxe leikhúsinu af því að dvergurinn vinkona mín sem er á öðru ári í skólanum mínum var að leika í því. Eins vandræðalegt og það er frá að segja fyrir hina leikarana þá var hún nánast það eina góða í sýningunni þó að þetta hafi átt að heita atvinnumannaleikhús. Það voru sleginn öll met í vandræðalegum slagsmálasenum og illagerðum dauðdögum. Svo við tölum nú ekki um varðmenn konungsins sem allir voru klæddir í Star Wars búninga með geimhjálma og við erum ekki að tala um fimm eða sex varðmenn heldur meira í kringum fimmtíu eða sextíu og þá er ég ekki að skrökva. Hugsið ykkur alla vinnuna eða peningana sem fóru í að finna alla þessa hjálma sem heldur hefði átt að vera varið í eitthvað allt annað og uppbyggilegra. Eða er ég kannski að misskilja þetta allt saman? er Star Wars kannski byggt á Hamlet? og í raun voru þetta ekki Star Wars hjálmar heldur Hamlet hjálmar sem síðar voru notaðir í Star Wars? Ég veit það ekki. Veist þú það?

2007-02-03T15:04:00.000+01:00

Í morgun vaknaði ég við það að sólin skein inn um gluggan minn. Ég verð að segja, að mér blöskraði hálfpartinn við þetta atferli blessaðrar sólarinnar því ég var engan vegin búin undir slíka atlögu að hennar hálfu svona snemma í febrúar. En þegar ég jafnaði mig þá varð ég svo glöð í bragði að ég ákvað að taka daginn og gera eitthvað tryllt.
Þess vegna ákvað ég að fara á dansnámskeið. Já ég bara fór á dansnámskeið get ég sagt ykkur.

...og nú er ég mellufær í blúsdansi, tangó og tjarlston, þannig að ef einhvern vantar skemmtiatriði í partý eða eitthvað þá er ég á lausu alla daga eftir klukkan þrjú...

Skóli skóli

2007-01-29T17:16:00.000+01:00

Í dag í skólanum fórum við í gegnum þróunarkenninguna í hreyfinugum, lékum amöbur og eðlur og apa. Við lékum okkur líka með alls konar feliri dýr, ég sérhæfði mig í hænum. Brasilíumennirnir gerðu ljón og kennarinn, hún Ruth var mjög svekkt að þau skyldu ekki sýna okkur mökunarathafnir ljóna. Hún sá það neflilega á Discovery um daginn og langaði að sjá það læv.

Ævintýri Þórnýjar

2007-01-17T18:38:00.001+01:00

Á þriðjudaginn fór ég ekki í skólann, því það var önnur manneskja sem fékk líkama minn lánaðan. Á þriðjudaginn var ég ekki Sigga, Sigríður Eir eða Lóla heldur Þórný Jónsdóttir bóndakona úr Fljótsdal. Þórný þjásti af svo mikilli félagsfælni og kvíða að hún brestur í grát við minnsta áreiti frá öðrum manneskjum, hún er einstaklega stressuð týpa og frekar hallærisleg. Þórný fékk ekki bara líkama minn lánaðan heldur fékk hún líka íbúðina mína lánaða sem hafði í för með sér að hún deildi íbúð með annarri stúlku sem venjulega heitir Maísól en ekki á þriðjudaginn því þá hafði stúlka að nafni T fengið líkama Maísólar lánaðan. T er amerískur afbrota unglingur sem hefur áralangan feril sem dópisti og ruglari. Mjög gott kombó þar á ferð. Það var kostuleg reynsla að fá að vera "fluga á vegg" þennan morgun og fá að fylgjast með samskiptum þeirra og reyndar var allur þessi dagur í skólanum mjög fyndinn. Ég fékk reyndar ekki að sjá eins mikið af honum og ég hefði viljað því Þórný á það til að stara bara niður í gólfið af hræðslu við umhverfið.
Á morgun mun ég fara í skólan sem Ólöf eða "O love" eins og hún kýs að kalla sig á engilsaxnesku, það verður spennandi að sjá hvernig það fer.

Jólaljóð

2006-12-29T21:18:00.000+01:00

Þegar líða fer að jólum
sjást kellingar í kjólum
og kallarnir á hjólum
út um allt að leita að gjöf.

Þeir í allar búðirnar æða
milli hóla og milli hæða
til reyna eitthvað að græða
á útsölunum út´ um allt.

Kátir sveinarnir kom´ í bæinn
yfir fjöllinn eða sæinn
bjóða öllum glaðan hæginn
og gleði og friðar jól.

Ísland fagra Ísland

2006-12-19T20:57:00.000+01:00

Jæja þá er ég bara búin að pakka og er á förum úr höllinni okkar hérna á Howitsvej, ég er heimilislaus í tvo daga og er að hugsa um að finna mér bara gott horn á Istegade og taka stöðuna þaðan... eða nei annars, kannski fæ ég bara að gista hjá einhverjum... eða hvað? En á morgun er síðasti dagurinn í skólanum fyrir jólafrí og annað kvöld er julefrokost, það verður gaman. En á fimmtudaginn gerist dálítið alveg ótrúlega skemmtilegt, fyrir mig og ykkur og gamla landið Ísa því þá kem ég heim. Þið getið því byrjað að ryksuga dregilinn og opna kampavínið því ég er á leiðinni.

Sjáumst þá.

Leiðrétting

2006-12-15T22:51:00.000+01:00

Mig langar bara aðeins að leiðrétta smá misskilning sem varð út af skólastjóra blogginu. Að sjálfsögðu er Ole bara næst uppáhalds skólastjórinn minn. Hann kemst ekki með tærnar þar sem móðir mín er með hælana. Hún er ekki bara frábær skólastjóri heldur líka uppáhalds mamman mín.

Þá er ég búin að leiðrétta þann misskilning...

Má ég þá núna koma heim um jólin mamma mín?

Skólastjórinn minn

2006-12-11T21:21:00.000+01:00

Þetta blogg er um skólastjórann minn hann Ole:

Hann skólastjórinn minn hann Ole, hann er sko engin venjulegur maður. Þó mamma mín og afi minn og bróðir mömmu og bara restin af fjölskyldunni minni séu skólastjórar þá er þessi uppáhalds skólastjórinn minn. Hann er 63 ára og stendur á haus og labbar á höndum jafn áreynslulítið og aðrir drekka vatn. Við Maísól köllum Ole aldrei annað en Hann. Hann er ótrúlega góður kennari, mér skilst að hann sé frábær trúður og ég get ímyndað mér að hann sé ákaflega hressandi afi. Um daginn í hádegishléinu í skólanum, skrapp Ole eitthvað frá og kom nokkrum mínútum seinna með jólatré á öxlinni. Þetta var svo fallegt að ég fór næstum því að gráta af gleði. Svo setti hann seríur á tréð og núna er alltaf jólalegt í skólanum. Það er gaman.

,,Rauða blaðran" og ,,Gríman og ég - ferðalag ungrar stúlku og ruslagrímunnar hennar í almenningssamgangnakerfi Kaupmannahafnar"

2006-12-07T15:58:00.000+01:00

Á síðustu dögum hef ég verið með nokkrar leiksýningar í gangi á götum borgarinnar. Fyrsta sýningin hét Rauða blaðran og voru tveir leikendur, ég og risa stór rauð helíum blaðra en á hinn bógin voru öllu fleiri áhorfendur. Það kostaði ekkert inn á þessa sýningu hjá mér og var hún eingöngu til að gleðja Kaupmenninga. Ég var sem sagt með Blöðruna fasta við hjólið mitt í tvo daga og þið getið rétt ímyndað ykkur hversu víðförul ég gerðist á svo góðum dögum og þar af leiðandi blaðran líka, þar sem hún var jú förunautur minn í þessa tvo daga. Sýningum lauk þegar við ákváðum að leika okkur með helíumið í skólanum. Í rauninni var það mjög gott lokahóf.

Seinni sýningin hét Gríman og ég - ferðalag ungrar stúlku og ruslagrímunnar hennar í almenningssamgangnakerfi Kaupmannahafnar. Sú sýning kom til af því að í skólanum fengum við verkefni að búa til grímu sem eingöngu væri búin til úr rusli. Okkur voru engin takmörk sett nema að grímurnar þurftu að komast inn í skólann. Ég fór þess vegna heim og hugðist gera grímu. Gríman var í grunninn úr pappakassa sem var u.þ.b. einn rúmmeter á stærð en samanstóð einnig úr boxi utan af sýrðum rjóma, mjólkurfernu, plastpokum og flöskum og öðru áhugaverðu rusli sem á vegi mínum varð. Útkoman varð svona líka stórkostleg þó ég segi sjálf frá. Eina vandamálið var að gríman var allt of stór fyrir hjólið mitt, svo við (ég og gríman) þurftum augljóslega að notfæra okkur almenningssamgöngur bæjarins til að komast í skólan. Við byrjuðum á að fara, klukkan átta að morgni síðasta mánudags í metróið en ég hafði ekki gert mér grein fyrir því að maður er ekki alveg eins snar í snúningum þegar ferðast er með ferlíki á borð við þessa ágætu grímu. Sem leiddi til þess að ég endaði á að hlaupa á eftir strætó að sjálfsögðum ennþá með grímuna sem orsakaði að hún missti annað augað sem var töluvert sorglegt en orsakaði einnig að við vöktum þó nokkuð mikla athygli þá sérstaklega þegar inn í strætóinn var komið sem var þeim mun minna sorglegt. Í strætónum stóðum við saman við hliðina á mömmunum með barnavagnana, sem passaði vel því ég var í sífellu að aðgæta að grímunni minni líkt og mæðurnar aðgættu að börum sínum. Ég held ég fari að leggja svona sýningar meira fyrir mig í farmtíðinni. Alltaf fullt af áhorfendum og leikmyndin, lýsingin og settið er ókeypis, það gerist varla betra.

Það er bara búin ein sýning á Gríman og ég - ferðalag ungrar stúlku og ruslagrímunnar hennar í almenningssamgangnakerfi Kaupmannahafnar, vegna þess að ég hef verið að nota grímuna í skólanum en ég er hvergi hætt og hyggst halda sýningum áfram eftir fáeina daga vegna gríðarlegrar velgengni og góðra móttaka eftir frumsýninguna. Áhugasamir geta haft samband í síma 004525177855 eða sent mér línu á sigureir@gmail.com og fengið nánari upplýsingar um sýningatíma og annað.

Tugirnir tveir

2006-11-27T00:08:00.000+01:00

Í dag fyllti ég tvo tugi að aldri og þýðir það að ég er búin að vera ansi lengi hérna á jörðinni og orðin töluvert öldruð, en það sem meira er að þetta þýðir að bróðir minn sem er eldri en ég og hvað þá mamma mín og pabbi eru nánast orðin forn.

Í gær fór ég út að borða og einhver sagði þjóninum að ég ætti afmæli og ég laug því að ég væri fimmtán því hann trúði ekki að ég væri tvítug. Það borgar sig ekki að ljúga, ég fékk í boði hússins óáfenga frosna margarítu af því ég var svo ung. Töluvert vandræðalegt. Á föstudaginn var ég að fá mér núðlur á wagamama og var spurð um skilríki. Ég er aldrei spurð um skilríki þegar ég kaupi bjór eða þegar ég fer á skemmtistaði en þegar ég kaupi núðlur, maður þarf að vera 18 í Danmörku til að kaupa núðlur.

Í dag gerðist margt skemmtilegt ég opnaði pakka og ýmsir komu mér á óvart þar á meðal Maísól og krakkar úr bekknum mínum, þar sem þau héldu mér óvænta afmælisveislu og svo fór ég á open stage night þar sem vinkona mín lék jólasvein á stultum og kom með riiisa stóra blöðru og pakka og gaf mér og lét alla syngja fyrir mig ,,Merry christmass to you". Þetta var hrikalega góður dagur. Það er gaman að eiga afmæli.

Einhvern tíma verður allt fyrst

2006-11-20T18:04:00.000+01:00

Í dag gerðist dálítið stór merkilegt. Ég var í skólanum, búin að búa mig undir að fara í vinnuna eftir skólan, full eftirvæntingar að mæta hundruðum mishamingjusamra Dana á leið sinni um götur borgarinnar. En hvað haldiði að gerist í hádeginu? Ég fæ þetta líka stórfurðulega símtal frá MetróExpress far sem mér er kunngjört að þau hafi lagt niður kvöldútgáfuna hjá sér og því sé ekki lengur starf fyrir mig hjá fyrirtækinu. Mér var sem sagt upp vegna niðurskurðar í fyrirtækinu. Þetta er svo sem alveg í stíl við þetta metró ævintýri mitt en ég verð að viðurkenna að ég var dálítið sorgmædd því mér var farið að finnast þetta svo gaman. Farin að gera alls konar rannsóknir á fólki og hegðun þess og um daginn sá ég gamla konu sem var með fullt af pokum hósta út úr sér gervitönnunum í poll. En ég er sem sagt orðin atvinnulaus og í tilefni af því fórum við Maísól og fengum okkur kaffi á Baresso, það var gott.

...

Samkvæmt mínum útreikningum er skó nýting hér í Danmörku mun betri en til dæmis á Íslandi. Þetta hlýst af því að Danir nota skóna sína eiginlega ekki neitt því allt er farið á hjólum. Í þessu hlýtur að felast mikill sparnarður, eða hvað? Ég veit það ekki, maður hlýtur alla vega að spyrja sig að því...

Dirla dorla durla derla

2006-11-13T18:32:00.000+01:00

Fór á geðveika tónleika í gær með Sufjen Stevens. Þeir voru allir alveg ótrúlega fallegir. Hann henti uppblásnum súpermönnum og jólasveinum út í sal, það var gaman.

Í skólanum er gaman, við erum öll að leika saman og erum í þessari viku á grímugerðar námskeiði, það er erfitt og fræðandi en um fram allt mjög skemmtilegt.

Fyrir áhugasama þá gengur mér mjög vel á götuhornum borgarinnar að ota blautum og köldum dagblaða ræflum að gangandi vegfarendum. Ég sóma mér svo vel í appelsínugula júníforminu að ég hef íhugað af fullri alvöru að gera þennan galla að mínum daglegu klæðum. Ég er á hraðferð upp metorðastigan innan fyrirtækisins og verð komin á Ráðhústorgið áður en ég veit af.

Heimsins lengsta grín

2006-11-04T01:13:00.000+01:00

Í dag byrjaði ég á lengsta gríni sem ég hef gert. Tvær vinkonur mínar úr skólanum hafa verið að deila með sér einni vinnu og skiptast þær því á að mæta 2 til 3 daga í viku. Önnur þeirra þurti að hætta og mun ég leysa hana af núna í nóvember. Grínið er að þetta er engin venjuleg vinna. Fáránlegasta og vanþakklátasta vinna sem ykkur dettur í hug tvöfölduð er vinnan mín. Ég er sem sagt að fara að vinna hjá MetroExpress að dreifa dagblöðum á Hovedbane og ekki nóg með það heldur fékk ég einkennisklæðnað í dag og það er hvorki meira né minna en úlpa sem er sú appelsínugulasta flík sem ég hef á ævinni séð og vesti í stíl, sem er með svona alls kyns takkí auglýsingum til að fullkomna lúkkið. Ég hyggst nota þetta tækifæri til þess að æfa hinar og þessar æfingar úr skólanum á gangandi vegfarendum. Ég er viss um að ég verð búin að skapa mér sess sem hressa metró konan innan viku, vitiði bara til.

Allt fyrir grínið...

Veturinn er kominn

2006-11-01T17:26:00.000+01:00

Í morgun þegar ég vaknaði ákvað ég að fara fram úr og fara í skólan, ákvörðun sem ég tek nánast á hverjum einasta morgni. Nema á laugardögum og sunnudögum, þá tek ég mjög meðvitaða ákvörðun um að fara ekki í skólan. En þegar ég kom út úr fallegu íbúðinni minni og út á götuna var grenjandi rigning en ég lét það ekki á mig fá og hjólaði ótrauð af stað, þegar ég var um það bil hálfnum var rigningin búin að breytast í snjó eða haglél öllu heldur og ég var hætt að finna fyrir líkama mínum frá lærum um niður. Einnig var tilfinningin í andlitinu þó nokkuð farin að veikjast. En ég er búin að fá tilfinninguna aftur núna og er að búa mig undir góða kvöldstund við grímugerð með Maísól. Við gerðum gifsmót af andlitunum á okkur á mánudaginn, það var fyndið.

Alls kyns

2006-10-29T20:32:00.000+01:00

Á síðustu viku er ég búin að....
Fara á Ronju Ræningjadóttur með Aldísi.
Tjá málverk með hreyfingum.
Hrinja niður stigan í húsinu mínu.
Leika litinn grænann.
Fara í Hallóvín partý sem dáinn trúður. Hann hengdi sig sko vegna þess að honum gekk svo illa. Þetta kemur sér mjög vel vegna þess að þá er ég búin með misheppnuðu trúðareynsluna mína og nú er leiðin bara upp á við.
Hjóla á gamla konu, kasta mér í poll og gráta vegna þess að hún var svo reið.

Ef maður myndi standa nógu lengi á höndum, haldiði að sjónin myndi þá snúast við?

Að klifra yfir vegg

2006-10-15T18:52:00.000+02:00

Í dag fórum við Maísól í Kongens Have að æfa heimaverkefni með tveimur stelpum úr skólanum. Það var rosalega fallegt veður í dag svo það var virkilega notalegt að spóka sig í garðinum. Síðustu viku í skólanum höfum við verið að læra að klifra yfir vegg, að sjálfsögðu ósýnilegan vegg því annað væri lítil áskorun. Hlaupa að veggnum, klifra yfir hann og hlaupa í burtu eru 51 hreyfing. Heimaverkefni þessarar viku var að setja saman kóreógraferingu og einu hreyfingarnar sem við máttum nota voru þessar 51 sem við notum til að fara yfir vegginn. Við vorum sem sagt fjórar í garðinum í dag að klifra yfir ósýnilega veggi, það var töluvert af fólki sem fann sig knúið til að stoppa og kíkja á þetta. Annað hvort út af þessu með ósýnilegu veggina eða af því að við erum allar svo fáránlega sætar... trúlega seinni kosturinn, eða bæði. Maður spyr sig?

2006-10-11T19:35:00.000+02:00

Í dag eru tímamót í lífi mínu hér í Kaupmannahöfn og eiginlega bara í lífinu yfirhöfuð. Ég er heima vegna íþróttameiðsla og ekki eftir neinar venjulegar íþróttir, nei kæru vinir meiðsli eftir akróbatík. Í gær fór ég í akróbatík og gerði einhverja gloríu með lærið á mér og núna er ég heima mjög upptekin við að bera á mig hitakrem og reyna gera ekkert sem reynir á vinstra lærið á mér. Ég ætlaði að fara í skólan og bara fylgjast með í movement analysis en málið er að til þess að fara í skólan þarf ég að labba niður 5 hæðir og hjóla í hálftíma. En góðu fréttirnar eru þær að ég massaði akróbatík tíman í gær, ég gat staðið á höndum ein og óstudd, farið niður í brú og staðið aftur upp eins míns liðs, farið upp í shoulder stand og nánast bara allt sem við höfum verið að æfa. Það var mjög hressandi og alveg þess virði að vera með bilað læri fyrir.

Ég verð að fara Oprah er að byrja...

2006-10-07T12:34:00.000+02:00

Í gær var ég tekin af metro löggunni, Maísól til mikillar gleði. Hún er búin að vera að bíða eftir því að ég verði nöppuð því henni finnst ég heldur bíræfin, bæði á götum úti á hjólinu mínu og í metroinu. Stundum gleymi ég neflilega að kaupa mér miða eða fer í metróið með hjólið mitt á tímum sem ekki eru í boði. Eins og í gær, þá var svo ógó mikil rigning að ég ákvað að taka metroið með hjólið mitt og ,,gleymdi´´að það má ekki á milli hálffjögur og fimm. Lyftan á Nörreport var biluð svo ég þurfti að halda á hjólinu niður þrjár hæðir, öðrum ferðalangum til mikillar gleði. Þegar ég kom svo niður fattaði ég að maður þarf að kaupa miða á annarri hæð, en af því að ég er svo ansi bíræfin þá ákvað ég að taka sénsinn og fara miðalaus í metroið með hjólið og hljóp inn í lest sem var um það bil að lokast. Þegar ég var svo komin inn og gat andan léttar sá ég að við hlið mér standa 3 metro löggur. Ekki að þeir væru eitthvað sérstaklega vel til hafðir, þeir voru bara að vinna þarna. Ég reyndi að halda ró minni og gerði ítrekaðar tilraunir til að dáleiða þá með persónutöfrum mínum svo þeir myndu ekki skipta sér af mér. En allt kom fyrir ekki og á endanum vippaði ein löggan sér að mér og reyndi að gera mér ljóst að ég væri að ferðast ólöglega, en ég sem ekki talaði neina dösnku og var trúlega frá Portúgal á þessum tímapunkti, skildi að sjálfsögðu takmarkað. Það endaði sem sagt með því að hann helti mér út á næstu stöð. Þessi tjáskipti okkar höfðu tekið svo langan tíma að ég var einmitt komin að stöðinni sem ég ætlaði út á.

Það borgar sig að vera bíræfin...

2006-10-02T07:19:00.000+02:00

Ég fór í leikhús á föstudaginn. Það var fáránlega gaman svo ég ákvað að fara aftur í gær. Þetta var einhvers konar kabaret sýning, alveg ótrúlega súríalísk en trúlega fyndnasta sýning sem ég hef séð. Eftir sýninguna sátum við (ég, Kakó, Maísól og Tæró) og vorum að fá okkur einn öl eða svo og ræða sýninguna. Þá kemur í ljós að einn af leikurunum er Íslendinur og hann fer að spjalla við okkur, svo kemur upp úr dúrnum líka að hann og annar leikari voru í The Commedia School. Tilviljun?
Svo komumst við að því að aðal leikararnir tveir voru að kenna í Commedia, af sjö leikurum voru fjórir tengdir Commedia. The Commedia School=góðir hlutir. Góðir hlutir=The Commedia School. Sigríður Eir er í The Commedia School. Sigríður Eir=góðir hlutir?? Ég vona það.

Grimm glimm gnimm bimm bimm...

2006-09-29T21:26:00.000+02:00

Síðasta vika:
Föstudagur: Mjög rólegur fyrir framan tíví eftir erfiða skólaviku
Laugarsagur: Tívolí, milljón ferðir í gylta turnin og taugaáfall í nýja tækinu, þar sem maður dinglast, nánast í frjálsu falli, yfir borginni.
Sunnudagur: Tiltekt og heimavinna
Mánudagur: Skóli
Þriðjudagur: Leikhús, sá stykki sem heitir Sunshine. Þar léku tveir fyrrverandi nemendur Commedia School.
Miðvikurdagur: Jass tónleikar í Borups folkehojskole með Kakó
Fimmtudagur: Skóli og inntökupróf í kór sem heitir Staka

Dagurinn í dag: Sem er nú að kveldi komin hefur verið mjög ánægjulegur, í dag fór ég í skólan, sem var gaman. Fékk ég að vita ég er komin inn í kórinn, sem var gaman. Fór í nýju regnkápuna mína, sem var gaman. Eldaði taco, sem var gaman og nú er ég á leiðinni í leikhús með Maísól að fara að sjá We love you too í Kaffileikhúsinu, sem verður örugglega mjög gaman.

Svo þarf ég smá aðstoð við að velja mér nafn því Katrín (Kakó feiti) og Ragnheiður (Maísól) eru báðar komnar með svo fínt nick. Það eru nokkrir möguleikar í boði:
Gógó Eir, Pamela Eir, Nóra Eir, Mjallhvít Eir eða Ninja Eir ?

2006-09-21T08:37:00.000+02:00

Jæja, þá er maður bara veikur hér í Kóngsins. Einhvern tíma verður allt fyrst.

Í skólanum í gær þá fór ég á ósýninlegt kaffihús, opnaði ósýnilegar hurðir og labbaði á vegg.

Er ekki lífð dásamlegt.

2006-09-16T20:19:00.000+02:00

Í dag er laugardagur, það er góður dagur. Ég Kakó og Ragster fórum á loppumarkað í dag og gerðum mjöög góð kaup. Fyrir 100 danskar krónur keyptum við tvo litla stóla sem eru fullkomir í gólfpartýin í eldhúsinu, rauða seríu sem er nú þegar komin upp í eldhúsglugganum, diskókúlu og kastara með litasnúningsdiski til að lýsa á diskókúluna og í kaupbæti fengum við rauðan tappatogara. Ég endurtek fyrir 100 danskar krónur (fyrir þau ykkar sem ekki vita þá er það 1200 íslenskar krónur). Svo á öðrum loppumarkaði fengum fullt af dóti fríkeypis, þar á meðal disney tösku, lyklakippur og fullt af fínum seglum á ísskápinn, barefli (úr gúmmí) og endurskynsmerki sem eru mjög áríðandi öryggisbúnaður hér í umferðinni í Kaupmannahöfn.

Í gær fór ég á Hot Chip tónleika og það var geeðveikt, það sem er ekki nógu geðveikt hins vegar að nú er ég ekki ekki með neinn rass því ég dansaði hann af mér, en í dag er nammidagur svo kannski næ ég að vinna það upp. Á fimmtudaginn fórum við Ragnheiður í sirkusinn því að Ole Brekke skólastjórinn okkar gaf okkur frímiða. Ég sá cameldýr, mann sem spilaði á trommur með jogglboltum og alvöru fíl, hann var rosalega gamall og ég hugsaði um það allan tíman hvað það yrði nú erfitt fyrir sirkusinn þegar að fíllinn deyr.
En nú er nammidagur og ég er farin að horfa á Simpsons.

2006-09-13T23:20:00.000+02:00

Ég er sem sagt stödd hérna í Kóngsins Köben, sit hér í yndislegu stofunni minni, ný komin heim af dönsku drama leikriti sem var um arabíska menningu. Ég skildi bara furðulega mikið, held ég. Svo fór ég með nýju vinum mínum úr skólanum á kaffihús. Þau eru skemmtileg.
En það sem ég hef gert hérna í Köben eftir að ég flutti er meðal annars: Massívar mime æfingar í skólanum, pissað í lyftara í Cristianiu, karíókíkvöld á Sams bar, dansað við alla bestu slagara síðustu aldar í eldhúsinu á sólríkum sunnudegi eftir mega bruns ala Ragnheiður, lært að standa á haus á ótrúlegustu stöðum til dæmis á bakiun á Ragnheiði, kaupa þrjá kjóla og nýtt hjól, eldað, hlegið, sungið, dansað, fíflast, sofið, drukkið og svo margt margt fleira skemmtilegt í fallegu fallegu íbúðinni okkar hér á Howitsvej.
En nú er ég farin að lúlla, mín bíður akróbatík tími í fyrramálið, góða nótt...